Co-Sponsor

မြန်မာ့ဘောလုံးကို တတ်အားသည့်ဘက်မှ ပံ့ပိုးပေးနေသော လေကြောင်းလိုင်း

မြန်မာနိုင်ငံ၏ တစ်ခုတည်းသော ပုဂ္ဂလိပိုင် နိုင်ငံတကာလေကြောင်းလိုင်းဖြစ်သည့် Air Bagan သည်လည်း မြန်မာ့ဘောလုံးဖွံ့ဖြိုးတိုးတက်ရေးကို အလျဉ်းသင့်တိုင်း ပံ့ပိုးထောက်ပံ့ပေးလျက်ရှိသည်။ Air Bagan Ltd ၏ ပိုင်ရှင် ဖြစ်သူ မှာ ဘောလုံးအားကစားကို အလွန်စိတ်ဝင်စားဝါသနာပါသူ ဖြစ်ပြီး လက်ရှိလည်း မြန်မာနိုင်ငံဘောလုံး အဖွဲ့ချုပ်၏ နာယက အဖွဲ့ဝင်တစ်ဦးဖြစ်သည်။ ထို့အပြင် ၂၀၀၇ ခုနှစ်မှစ၍ Air Bagan FC အမည်ဖြင့် ပထမတန်းမှ အဆင့်မြင့်တန်းအထိ မြင့်မားသော အောင်မြင်မှုများရရှိခဲ့သည့် ဘောလုံးအသင်းကို တည်ထောင်ခဲ့ပြီး ယခုနှစ် မေလ (၁၅) ရက်နေ့တွင် စတင်တော့မည့် မြန်မာပရိုလိဂ်ပြိုင်ပွဲ၏ ပထမဆုံးဘောလုံးပြိုင်ပွဲဖြစ်သော MNL CUP Grand Royal 2009 ဘောလုံးပြိုင်ပွဲ တွင်လည်း ရန်ကုန်တိုင်းကိုယ်စားပြုကာ ရန်ကုန်ယူနိုက်တက်အက်ဖ်စီအမည်ဖြင့် ပရိုအသင်းတစ်သင်းကို အဆင့်မြင့် ဖွဲ့စည်းကာ ပါဝင်ယှဉ်ပြိုင်တော့မည်ဖြစ်သည်။ ယင်းပြိုင်ပွဲတွင်လည်း Co-Sponsor တစ်ဦးအနေဖြင့် ကျပ်ငွေသိန်း (၃၀၀) ပံ့ပိုးထားပြီး လာမည့်နှစ်များတွင်လည်း မြန်မာနေရှင်နယ်လိဂ်အတွက် ဆက်လက်ပံ့ပိုးမှုများ ပြုလုပ်သွားရန် စီစဉ်ထား လျက်ရှိသည်။