MNL Grand Royal 2009 ပြိုင်ပွဲ၏ နောက်ဆုံးပွဲစဉ် အဖြစ် ရန်ကုန်ယူနိုက်တက် အသင်းနှင့် ရတနာပုံ FC အသင်းတို့ ယနေ့ ညနေ (၄း၀၀) နာရီတွင် ရန်ကုန်မြို့ သုဝဏ္ဏအားကစားကွင်၌ ယှဉ်ပြီုင်ကစားကြရာ ရန်ကုန်ယူနိုက်တက်အသင်းက လက်ရှိချန်ပီယံရတနာပုံ အသင်းကို ၂ ဂိုး ဂိုးမရှိဖြင့် အနိုင်ရရှိသွားပါသည်။

ယင်းပွဲစဉ်မှာ အသင်းနှစ်သင်းယှဉ်ပြိုင်မှုပြင်းထန်ပြီး ပရိသတ်စိတ်ဝင်စားမှု အများဆုံးပွဲစဉ်ဖြစ်သောကြောင့် ညနေ ၄နာရီမှ ဘောလုံးပွဲစတင်မည်ဖြစ်သော်လည်း မွန်းလွဲ ၁ နာရီကတည်းက နှစ်ဘက်အသင်း ပရိသတ် များတစ်ဖွဲဖွဲရောက်ရှိလာကြပြီး တစ်ဘက်နှင့်တစ်ဘက် ပရိသတ်အင်အား ပြီုင်ဆိုင်မှုပြင်းထန်ခဲ့သည်ကိုတွေ့ရသည်။

ရတနာပုံအသင်းတွင် ဒဏ်ရာရရှိထားသော ခင်မောင်ထွန်းမှ လွဲပြီး Kambou, Babo, Gnonsian ထွန်းထွန်းဝင်း၊ ရန်ပိုင်၊အောင်ကျော်မိုး၊ ရဲဇော်ထက်အောင်၊ ကျော်ခိုင်ဝင်းတို့ပါဝင်ကစားသလို ရန်ကုန်ယူနိုက်တက်အသင်းတွင်လည်း မျိုးမင်းထွန်း၊ ရွှေလှိုင်ဝင်း၊ ဌေးအောင်၊ စိုးလင်းထွန်း၊ Banyolag,Kone,Bamba တို့ပါဝင်ကစားကြခဲ့သည်။
 
ရန်ကုန်ယူနိုက်တက်အသင်းမှာ ပွဲစစချင်းဂိုးရရှိရန်ကြိုးစားကစားရာ ၂ မိနစ်တွင် တိုက်စစ်မှုး Kone ကပထမဂိုးကို သွင်းယူခဲ့သဖြင့် ရန်ကုန်ပရ်ိသတ် ၏ အားပေးသံများဆူညံသွားခဲ့သည်။ ၇ မိနစ်တွင် ရန်ကုန်မှ Gildas အပိုင်ကန်သွင်းခဲ့သော်လည်း ဘားတန်း ကျော်သွားသဖြင့် တစ်ဂိုးနစ်နာခဲ့ရသည်။ ၃၄ မိနစ်တွင် ရတနာပုံအသင်းမှ Kambou က အလွတ်တည်ကန်ဘောမှ ကန်သွင်းခဲ့သော်လည်း ဘားတန်းကျော်သွားသဖြင့် ချေပဂိုး နစ်နာခဲ့ရသည်။ ၄၃ မိနစ်တွင် ရန်ကုန်မှ Kone ၏ကန်သွင်းချက်မှာ ဂိုးသမားယဉ်မင်းအောင် လက်မှ အံထွက်လာသော ဘောလုံးမှာ ဂိုးဧရိယာအတွင်း အနည်းငယ်ရောက်ရှိခဲ့သော်လည်း ကွင်းလယ်ဒိုင်မှ ဂိုးမပေးခဲ့ပေ။ သို့သော် ၄၄ မိနစ်တွင် Kone ချပေးသောဘောလုံးကို Gildas က ခေါင်းတိုက်သွင်းယူခဲ့သဖြင့် ရန်ကုန်တို့ ဒုတိယဂိုး ထပ်မံရရှိခဲ့သည်။ ဒုတိယပိုင်းတွင် ရတနာပုံအသင်းမှ ချေပဂိုး ပြန်မသွင်းနိုင်သဖြင့် ပွဲအပြီးတွင် ရန်ကုန်ယူနိုက်တက်အသင်း က၂ ဂိုး ဂိုးမရှိဖြင့် အနိုင်ရရှိသွားခဲ့သည်။ ယင်းပွဲ တွင် ပွဲအပြီး သတင်းစာရှင်းလင်းပွဲ မပြုလုပ် နိုင်ခဲ့ပေ။